22.04.2016
Միջազգային մրցույթ - Մոսկովյան փողոց 22
Հունաստանի Հանրապետության ակտիվների զարգացման հիմնադրամը (HRADF) հայտարարում է բաց միջազգային մրցույթ՝ Մոսկովյան փողոց 22, Երևան, Հայաստան հասցեում գտնվող անշարժ գույքի վաճառքի համար: Գույքը տեղակայված է Երևան քաղաքի փոքր կենտրոնում, Օպերայի և բալետի ազգային ակադեմիական թատրոնի և Կասկադի հարևանությամբ: Գույքը բաղկացած է 1156.7 ք/մ մակերեսով մեկ հիմնական եռահարկ շենքից, 361.7 ք/մ ընդհանուր մակերեսով չորս առանձին օժանդակ շինություններից և 1985.95 ք/մ մակերեսով հողատարածքից:
Գնման առաջարկները կընդունվեն Հունաստանի Հանրապետության ակտիվների զարգացման հիմնադրամի (HRADF) կողմից (Կոլոկոտրոնի և Ստադիու փողոց 1, 105 62, Աթենք, Հունաստան, հեռախոս՝ +30 210 3274400) մինչև ս.թ. հունիսի 24-ի ժամը 19:00 (Աթենքի ժամանակով, GMT+2): Մրցույթի հետ կապված բոլոր տեղեկությունների և մասնակցության համար խնդրվում է դիմել Հայաստանում HRADF-ի պաշտնոկան ներկայացուցիչ և խորհրդատու/գործակալ՝ ԲԱՐՍ անշարժ գույքի ընկերություն (Բաղրամյան պողոտա 1, Երևան, Հայաստան):
Մրցույթի վերաբերյալ տեղեկություններին կարելի է ծանոթանալ նաև HRADF-ի պաշտոնական կայքում՝ www.hradf.com:
