Կայքից օգտվելու ուղեցույց

Նկարագրություն

Ողջունում ենք Ձեզ ԲԱՐՍ անշարժ գույքի ընկերության կայքում: 
Այս էջի հիմնական նպատակն այցելուների և գրանցված օգտատերերի համար կայքից օգտվելու գործընթացի պարզեցումն ու հեշտացումն է: Կայքում ներկայացված տեղեկատվությունից կարելի է օգտվել առանց գրանցվելու կամ անձնական էջ մուտք գործելու, սակայն լրացուցիչ և շատ հարմար գործառույթներն օգտագործելու համար անհրաժեշտ է մեր կայքում անձնական էջ ստեղծել կամ մուտք գործել "Ֆեյսբուք" կամ "Վկոնտակտե" սոցիալական ցանցերի Ձեր անձնական էջերի միջոցով: Գրանցվելով և մուտք գործելով մեր կայքի համակարգ՝ Դուք հնարավորություն կստանաք ա) անշարժ գույք ավելացնել և հեռացնել Ձեր ընտրվածների ցանկում ու ցանկացած ժամանակ դիտել այն, բ) նայել Ձեր դիտումների ողջ պատմությունը, ինպես նաև գ) հարցում ուղարկել և դիմել գործակալին՝ Ձեզ հետաքրքրող անշարժ գույքի վերաբերյալ լրացուցիչ տեղեկություններ ստանալու կամ դիտում կազմակերպելու նպատակով: Կայքի ողջ բովանդակությունը հասանելի է հայերենով, ռուսերենով և անգլերենով: Կայքի վերին հատվածում ընտրելով համապատասխան լեզուն՝ Դուք հնարավորություն կստանաք ծանոթանալ ներկայացված ամբողջ տեղեկատվությանը հայերենով, ռուսերենով կամ անգլերենով:


Գրանցում և մուտք

Կայքի վերին հատվածում սեղմելով "Մուտք" կամ "Գրանցվել" կոճակները՝ Դուք կտեղափոխվեք կայքի համակարգում անձնական էջ գրանցելու և կայք մուտք գործելու էջը: Այստեղ Դուք կարող եք գրանցվել մեր կայքում և մուտք գործել համակարգ Ձեր գրանցման տվյալներով, ինչպես նաև առանց գրանցման մուտք գործել համակարգ "Ֆեյսբուք" և "Վկոնտակտե" սոցիալական ցանցերի Ձեր անձնական էջերի միջոցով:

 - Մուտք գործել համակարգ կայքում գրանցվելուց հետո

 - Մուտք գործել համակարգ առանց կայքում գրանցվելու՝ "Ֆեյսբուք" սոցիալական ցանցի անձնական էջով

 - Մուտք գործել համակարգ առանց կայքում գրանցվելու՝ "Վկոնտակտե" սոցիալական ցանցի անձնական էջով


Գնանշում

Կայքում անշարժ գույքի գները կարող եք տեսնել ՀՀ դրամով, ԱՄՆ դոլարով կամ եվրոյով: Կայքի վերին հատվածում փոխելով արժույթը (AMD, USD, EUR)՝ Դուք հնարավորություն կստանաք բոլոր գները տեսնել Ձեր նախընտրած արժույթով: Արժույթների փոխարժեքներն ամեն օր թարմացվում են ՀՀ Կենտրոնական բանկի պաշտոնական կայքից:

Պայմանական նշաններ

 - Անշարժ գույքը վաճառվում է

 - Անշարժ գույքը տրվում է վարձակալության

 - Անշարժ գույքը գտնվում է Ձեր "Ընտրվածների ցանկում"

 -  Անշարժ գույքը հանել Ձեր "Ընտրվածների ցանկից"

 - "Դիմել գործակալին" հարցման կարգավիճակն է "Սպասման մեջ"

 - "Դիմել գործակալին" հարցման կարգավիճակն է "Հաստատված է"

 - "Դիմել գործակալին" հարցման կարգավիճակն է "Մերժված է"

 - Տվյալ անշարժ գույքը մեր ընկերության մասնագետների կողմից ներկայացված է որպես "Հատուկ առաջարկ"


Ֆունկցիոնալ կոճակներ

 - Ուղարկել հարցում և դիմել գործակալին Ձեզ հետաքրքրող անշարժ գույքի վերաբերյալ

 - Անշարժ գույքն ավելացնել Ձեր "Ընտրվածների ցանկում"

 - Անշարժ գույքը հեռացնել Ձեր "Ընտրվածների ցանկից"

 - Նայել անշարժ գույքի հատակագծերը

 - Դիտել անշարժ գույքի տեղադիրքը քարտեզի վրա

 - Նայել անշարժ գույքի անձնագիրը PDF ֆորմատով

 - Համեմատել անշարժ գույքը նույն տեսակի այլ ընտրված անշարժ գույքի հետ

  - Մաքրել որոնման բոլոր լրացված դաշտերը 


Որոնում

Որոնում իրականացնելիս խնդրում ենք ուշադրություն դարձնել հետևյալ կանոններին.
Բնակարան, Տուն, Կոմերցիոն և Հողատարածք - Կայքում ներկայացված անշարժ գույքը բաժանվում է չորս հիմնական տեսակի: Որոնման ժամանակ անհրաժեշտ է ուշադրություն դարձնել, թե որ տեսակի անշարժ գույքն է ընտրված՝ բնակարան, տուն, կոմերցիոն, թե հողատարածք: Համակարգը որոնումն իրականացնում է միայն ընտրված տեսակի անշարժ գույքի տվյալների բազայում: Միակ տվյալը, որի դեպքում որոնման համակարգը հաշվի չի առնում մնացած բոլոր չափանիշները, կոդն է: Մուտքագրելով կոդը համապատասխան դաշտում՝ Դուք կգտնեք Ձեզ անհրաժեշտ անշարժ գույքն անկախ նրանից՝ որոնման բաժնում ընտրված է բնակարան, տուն, կոմերցիոն, թե հողատարածք: 
Ստանդարտ, Էքսկլյուզիվ և Օտարերկրյա - Հաջորդ ընտրությունը կապված է անշարժ գույքի երեք բաժինների հետ: Կայքում դրանք բաշխված են որպես "Ստանդարտ", "Էքսկլյուզիվ" և "Օտարերկրյա": Ընտրելով բաժինը՝ Դուք Ձեր որոնումը կիրականացնեք համապատասխան անշարժ գույքի տվյալների բազայում: Այլ կերպ ասած, եթե Դուք ընտրել եք "Բնակարան" տեսակը և "Օտարերկրյա" բաժինը, ապա Ձեր հետագա որոնումը կիրականացվի օտարերկրյա բնակարանների տվյալների բազայում: "Ստանդարտ" և "Էքսկլյուզիվ" բաժիններում ներկայացված է բացառապես Հայաստանի Հանրապետության տարածքում գտնվող անշարժ գույք: "Օտարերկրյա" բաժնում Դուք կարող եք որոնում կատարել ըստ այն երկրների, որոնցում տվյալ պահին մեր ընկերությունն անշարժ գույք է առաջարկում:
Վաճառք և վարձակալություն - Կայքի տվյալների բազայում առկա ողջ անշարժ գույքը բաժանվում է երկու տիպի՝ վաճառքի և վարձակալության: Որոնում իրականացնելիս հարկավոր է ընտրել դրանցից մեկը: Հարկ է նշել, որ անշարժ գույքի մի մասը միաժամանակ և վաճառվում է, և տրվում է վարձակալութան, համապատասխանաբար՝ նմանատիպ անշարժ գույքը Դուք կգտնեք ինչպես վաճառքի, այնպես էլ վարձակալություն անշարժ գույքերի ցանկում:
Գին - Եթե ցանկանում եք որոնում իրականացնել հաշվի առնելով նաև գնային միջակայքը, ապա պետք է համապատասխան դաշտում ընտրեք գնի տեսակն ու մուտքագրեք ցանկալի գնային միջակայքի թվերը: Յուրաքանչյուր գույք կարող է առավելագույնը չորս տեսակի գին ունենալ, որից երկուսը վաճառքի են, երկուսը՝ վարձակալության: Օրինակ, բնակարանի համար Դուք կարող եք ընտրել ընդհանուր վաճառքի գին կամ ք/մ-ի համար գին և, համապատասխանաբար, վարձակալության համար՝ ամսավճար կամ օրավարձ: 
Կոդ - Մեր տվյալների բազայում գտնվող յուրաքանչյուր անշարժ գույք ունի իր եզակի կոդը։ Որոնման համապատասխան դաշտում այն մուտքագրելու դեպքում Դուք կգտնեք տվյալ գույքը՝ անկախ  մուտքագրման բոլոր այլ տվյալներից կամ որոնման տեսակներից ու բաժիններից: 
Այլ տվյալներ - Կայքի այցելուների և գրանցված օգտատերերի համար որոնումն ավելի հարմար ու արդյունավետ դարձնելու նպատակով այն ներառում է նաև յուրաքաչյուր տեսակի անշարժ գույքին բնորոշ այլ տվյալներ, որոնց միջոցով Դուք կարող եք Ձեր նպատակներին և նախասիրություններին առավելագույնս համապատասխան անշարժ գույք գտնել: